KAAPJAG TAK-KOLLIG: NAMAKWA

Lutzville, Kliprand, Vredendal, Koepenaap, Vanrhynsdorp, Klawer, Trawal, Clanwilliam

Voorsitter: Braham de Swardt

Braham de Swardt

Braham het nog altyd ‘n sagte plekkie vir Namakwaland en die buitelewe gehad. Hoe dan nou anders, as ‘n man se geboortedorp Keimoes is? As ‘n seun, was sy pa nie net sy mentor in die jagveld nie, maar ook een van sy onderwysers waar hy later op Vredendal skool gegaan het. Tot matriek was sy pa ook sy skietafrigter en was Braham van die gelukkige laastes wat nog skyfskiet op skool kon beoefen.

Braham sou as volwassene ‘n kranige jagter en sportskut word, wat meeste spesies in die Noord-Kaap gejag het, onder andere, benewens die hope springbokke, ook koedoes gemsbokke en ongediertes. Geen worder dat Braham al vir baie jare dien as Voorsitter van  Kaapjag se Namakwa Tak nie.

Braham is ‘n geweer-man. Alhoewel hy naby die viswaters woon, het hy nooit veel vertroue in die visstok ontwikkel nie. Hy sê as hy mis in die jagveld is dit óf sy skietvernuf óf sy toerusting wat hom in die steek gelaat het, maar as hy ‘n hoek en aas in die water gooi en die vis byt nie, dan weet hy glad nie waar die fout lê nie.

Braham is beide suksesvolle boer en besigheidsman. Die ou spreuk is darem baie waar, as jy iets gedoen wil hê, gee dit vir ‘n besige man!

Waarna lede kan uitsien

Namakwa Tak spog met ‘n pragtige skietbaan knap teen Vredendal. Die Pietie Hamman Skietbaan is ‘n netjiese baan danksy Namakwa Tak se investering in infrastuktuur op die baan. ‘n Nabygeleë klubhuis bied ook al die fasiliteite wat nodig is om die lede van Namakwa Tak te dien.

Hierdie tak bied gereelde skietbyeenkomste:

- CHASA Senterslagbaanskiet
- CHASA Randslagbaanskiet
- Ghong-skiet
- Handwapenskiet
- Haelgeweerskiet


Die manne van Vredendal is lief vir skiet en hulle kan skiet!

Hulle geledere het al selfs in die onlangse verlede ‘n springbok-skut opgelewer!

Besoek gerus ons kalender om hierdie tak se komende skietgeleenthede te besigtig.

ENQUIRIES

Please contact us with any queries you may have.

back to blogs